Тоо текелерге мыйзамсыз аңчылык кылган жарандар жаратылышты коргоо мыйзамдарын бузганды үчүн 500.000 сом төлөштү

Буга чейин Ош облусунун Кара-Кулжа районунда Кыргыз Республикасынын жаратылыш ресурстары, экология жана техникалык көзөмөл Министрлигинин мамлекеттик инспекторлору Кара-Кулжа райондук ички иштер башкармалыгынын кылмыш иликтөө бөлүмүнүн ыкчам кызматкери менен биргеликте 2 баш жана 3 баш тоо текелери мыйзамсыз аңчылык жолу менен атылып алынган эки фактыны аныкташкан.

Жыйынтыгында жаратылышты коргоо мыйзамдарын бузгандарга 200.000 (эки жүз миң) жана 300.000 (үч жүз миң) сом өлчөмүндө айып салынып, натыйжада айыптар мамлекеттин эсебине өндүрүлгөн.