Экологиялык талаптарды сактоо боюнча текшерүүнүн жыйынтыктары

Кыргыз Республикасынын Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын инспекторлору тарабынан 2025-жылдын 2-июлунда Ысык-Көл облусунун Бостери айылында жайгашкан бир катар эс алуу жайларына жана уюмдарга экологиялык талаптардын сакталышы боюнча рейдтик иш-чара жүргүзүлдү.

Текшерүүнүн жүрүшүндө төмөнкүдөй укук бузуулар аныкталды.

Каз ГУ спорттук ден соолукту чыңдоо борборуна

Кыргыз Республикасынын Укук бузуулар жөнүндөгү кодексинин 115-беренесинин:

•    1-бөлүгүнө ылайык — 17 000 сом,

•    2-бөлүгүнө ылайык — 23 000 сом айып пул салынды.

Жалпы сумма: 40 000 сом

🔹 “Даймонд” пансионатына

Ошол эле 115-берененин:

•    2-бөлүгүнө ылайык — 23 000 сом,

•    3-бөлүгүнө ылайык — 23 000 сом айып салынды.

Жалпы сумма: 46 000 сом

Текшерүүнүн жыйынтыгы боюнча жалпы салынган айып пул: 86 000 сом

Мындан тышкары, Кыргыз Республикасынын 2023-жылдын 9-августунда кабыл алынган №177 Мыйзамынын 5-беренесине ылайык, Ысык-Көл облусунун аймагында полиэтилен баштыктарды колдонууга тыюу салуу боюнча түшүндүрүү иштери жүргүзүлдү.

Бул иш-чаранын алкагында эс алуучуларга жана ишкер субъектилерине жалпы 45 эскертме баракчасы таратылып, калк арасында экологиялык маданиятты жогорулатууга багытталган түшүндүрүү иштери жүргүзүлдү.