Регионалдык башкармалыктардын ишмердиги

Кыргыз Республикасынын Жаратылыш ресурстары, экология жана техникалык көзөмөл министрлигинин Нарын регионалдык башкармалыгынын кызматкерлери Тайлак Баатыр атындагы №2025 чек ара кызматкерлери менен биргеликте браконьерликке каршы күрөшүү жана алдын алуу максатында  2024-жылдын 16-19-июль күндөрү өткөрүлгөн рейд учурунда Ат-Башы районунун Ак-Сай өрөөнүнүн Ак-Байтал жана Ак-Учук участкаларынан Нарын районунун тургундары боз үйлөрүндө сактаган болжолду 3  тоо кийиктеринин эттери жана 1 даана  сайлуу, 2 даана сайсыз куралдар ок дарылары менен табылган. Жеринен акт түзүлүп, табылган материалдар Ат-Башы РИИБне өткөрүлүп берилди.