А. Мусаев: «Ак илбирс ЭкоФест – Кемин 2026» экофестивалы экологиялык маданиятты өнүктүрүүчү аянтча болот

Кыргызстанда жаратылышты коргоого жана экологиялык маданиятты калыптандырууга багытталган демилгелерди өнүктүрүү уланууда.

А. Мусаев белгилегендей, быйыл Чоң-Кемин өрөөнүндө «Ак илбирс ЭкоФест – Кемин 2026» экофестивалын өткөрүү пландалууда. 

Бул фестиваль жаратылышты коргоо идеяларын жайылтууга, экологиялык туризмди өнүктүрүүгө жана тоо экосистемаларын сактоо маселелеринин айланасында мамлекетти, бизнести жана коомчулукту бириктирүүгө маанилүү аянтча болот.

Иш-чара ошондой эле Кыргызстандын бийик тоолуу жаратылышынын символу болгон ак илбирсти коргоо маселесине көңүл бурууга, экологиялык демилгелерди колдоого жана аймакта туруктуу туризмди өнүктүрүүгө көмөктөшөт.