Чон-Кемин мамлекеттик жаратылыш паркынын Акташкороо кыдыртмасынан 🦌Бугу үй жаныбарларына келип жатканын парктын егери видеого түшүрүп алган.
19-сентябрь 2025, 15:46
🦌2025-жылдын 19-сентябрында — Чоң-Кемин мамлекеттик жаратылыш паркындагы Акташкороо кыдыртмасында парктын егери бугунун үй жаныбарларына жакындап келгенин видеого тартып алган.
Окуя парк аймагында жапайы жаныбарлар менен адамдардын жана үй жаныбарларынын жолугушуулары болуп турарын эскертет. Видеодо бугу этияттык менен байкалган, эч кандай чочулоо же агрессивдүү аракеттер катталган эмес.
🪶🌳Бул көрүнүш парктагы биологиялык ар түрдүүлүк сакталып жатканын жана жапайы жаныбарлардын жүрүм-туруму табигый нукта өнүгүп жатканын көрсөтөт. Мындай учурлар жаратылышты коргоо жана мониторинг жүргүзүү иштеринде чоң мааниге ээ.
🌳Чоң-Кемин мамлекеттик жаратылыш паркын башкаруу кызматы жапайы жаныбарларды коргоону жана аларга тынч жашоо шартын камсыздоону улантат.
Парк администрациясы жергиликтүү тургундарга жана конокторго жапайы жаныбарларга этият мамиле кылууну, аларга жакындабоону жана азыктандыруудан алыс болууну эскертет.
