Экологиялык мониторинг департаменти Бишкектеги абанын жана топурактын сапатын текшерди

Кыргыз Республикасынын Жаратылыш ресурстары, экология жана техникалык көзөмөл министрлигине караштуу Экологиялык мониторинг департаменти 2025-жылдын 6-октябрында Бишкек шаарындагы таштанды полигонунун (мусор полигону) айланасында жайгашкан конуштардан абанын жана топурактын сапатына байланыштуу кезектеги экологиялык мониторинг жүргүздү.

Мониторинг алкагында жалпы 6 жерден үлгү алынган. Бул иштер квартал сайын (үч айда бир жолу) жүргүзүлүп, атмосфералык абанын жана топурактын сапаты лабораториялык шартта анализден өткөрүлөт.

Илимий негизде жүргүзүлгөн текшерүүдө төмөнкү параметрлерге көңүл бурулду:

    •    Абанын курамындагы зыяндуу заттардын деңгээли;

    •    Топурактын булгануу даражасы;

    •    Санитардык-экологиялык коопсуздуктун абалы.

Текшерүүнүн жыйынтыктары лабораториялык иштетүүдөн кийин коомчулукка жарыяланат. Экологиялык мониторинг департаменти өлкө аймагында экологиялык коопсуздукту камсыздоо жана жаратылыш ресурстарын коргоо максатында мындай иш-чараларды үзгүлтүксүз жүргүзүп келет.