Министрдин милдетин аткаруучу А.Сапаралиев БУУнун Кыргыз Республикасындагы Туруктуу координатору Антье Грейв айым менен жолугушту

2024-жылдын 26-июлунда Кыргыз Республикасынын Жаратылыш ресурстары, экология жана техникалык көзөмөл министринин милдетин аткаруучу А.Сапаралиев БУУнун Кыргыз Республикасындагы Туруктуу координатору Антье Грейв айым менен жолугушту.

Жолугушуунун жүрүшүндө тараптар Азербайжан Республикасынын, Баку шаарында өтө турган БУУнун Климаттын өзгөрүшү боюнча алкактык конвенциясынын Тараптарынын 29-конференциясына Кыргыз Республикасынын катышуусун даярдоо процессин талкуулашты. Жыйынга министрдин орун басары А.Раимкулова да катышты.

Антье Граве айым министрди кызматка дайындалышы менен куттуктап, ар тараптуу кызматташууга көмөктөшүүгө жана ишке ашырууга даяр экенин билдирди. Ал БУУнун Кыргызстанда ишке ашырылып жаткан долбоорлору жана анын миссиялары тууралуу маалымат берди.  «Климат жана тоо күн тартиби бардык долбоорлордун өзөгүн түзөт, анткени алар маанилүү», - деди Антжье Грейв айым.

А.Сапаралиев өз кезегинде жалпысынан экология тармагында аткарылып жаткан долбоорлорго жана иштерге токтолду. Ал өзгөчө климаттын жана тоо күн тартибинин маанилүүлүгүн баса белгиледи. 

Ал өлкөнүн экологиялык, экономикалык жана азык-түлүк коопсуздугун камсыздоого, климатка туруктуулукту жогорулатууга жана жаратылыш мурастарын сактоого багытталган Кыргызстандын демилгеси колдоо табылып жаткандыгына  ыраазычылык билдирди. Жарлыкка ылайык, БУУнун Башкы ассамблеясынын “Туруктуу тоолорду өнүктүрүү” резолюциясы менен жарыяланган.