Ысык-Көл Кыргызстандын бермети!
31-июль 2023, 10:24
Жаратылыш ресурстар министрлиги Кыргыз Республикасынын Президентинин “Ысык-Көлдүн экологиясын сактоо боюнча кечиктирилгис чаралар жөнүндө” жарлыгын ишке ашыруунун алкагында жалпыга маалымдоо каражаттарынын өкүлдөрү менен биргеликте Ысык-Көл облусунун аймагында желим баштыктарды сатууга тыюу салуу боюнча иштери менен таанышты.
Иш-чара Бостери айылы, Бактуу-Долоноту жана Чолпон-Ата шаарындагы бир нече дүкөндөрдө жүргүзүлдү. Алардын көбү желим баштыктарды колдонушпайт, анын ордуна кагаз баштыктарды жана дүкөндөрдүн бренддери менен эко баштыктар сатып алуучуларга сатылат. Алардын баалары ар кандай, эко пакеттер 25 сомдон, эко сатып алуучулар 200 сомдон жана андан жогору.
Ошондой эле, сатып алуучулар Ысык-Көлдүн экологиясын жана тазалыгын сактоонун маанилүүлүгүн түшүнүп, өздөрүнүн пакеттерин алып келишүүдɵ.
Жергиликтүү калк жана туристтер арасында түшүндүрүү иштери жүргүзүлдү. Бул багыттагы иштер улантылат.
