Ысык-Көлдүн акваториясынан мыйзамсыз балык уулоочу тор жана 25 кг таштанды чыгарылды

Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын  Ысык-Көл регионалдык башкармалыгынын инспекторлору тарабынан Пристань-Пржевальск шаарчасынын аймагындагы Ысык-Көлдүн акваториясында мыйзамсыз балык уулоого каршы рейддик иш-чара өткөрүлдү.

Рейддик иш-чаранын жүрүшүндө болжол менен 100 метр узундуктагы 1 даана эски кытай синтетикалык балык уулоочу тор жана болжол менен 20–25 кг ар кандай таштандылар чыгарылды.

Аталган иш-чара Ысык-Көлдүн экологиялык абалын сактоо, суу биоресурстарын коргоо жана мыйзамсыз балык уулоого бөгөт коюу максатында жүргүзүлдү.