Кыргыз Республикасы Самарканд декларациясына жана 2026-2032-жылдарга Регионалдык кызматташтык боюнча иш-чаралар планына кошулду

Өзбекстан Республикасынын Самарканд шаарында Кыргыз Республикасынын Жаратылыш ресурстары, экология жана техникалык көзөмөл министринин орун басары А. Мусаев Самарканд декларациясы жана 2026–2032-жылдарга жапайы фауна жана флоранын ресурстарын туруктуу пайдаланууну колдоо жана жапайы жаныбарлар менен өсүмдүктөрдүн мыйзамсыз соодасына каршы күрөшүү боюнча Регионалдык кызматташуу боюнча иш-чаралар планынын кол коюусуна катышты. 

Документке Борбордук Азиянын беш өлкөсү – Казакстан, Кыргызстан, Тажикстан, Түркмөнстан жана Өзбекстан – CITES Конвенциясынын Тараптарынын 20-конференциясынын алкагында кол коюшту.

Декларациянын кабыл алынышы региондогу өлкөлөрдүн биологиялык ар түрдүүлүктү сактоого жана трансчегарадагы жапайы кылмыштуулукка каршы күрөштү күчөтүүгө багытталган мамлекеттер аралык кызматташтыкты өнүктүрүүгө биргелешкен умтулуусун көрсөткөн маанилүү кадам болду.

Мындан тышкары, конференциянын алкагында министрдин орун басары Борбор Азия өлкөлөрүнүн айлана-чөйрөнү коргоо министрлери, CITES Конвенциясынын Башкы катчысы жана TRAFFIC башкы директору менен жолугушууларды өткөрдү.

Жолугушуулардын жүрүшүндө тараптар аймактык кызматташтык механизмдерин чыңдоо, биргелешкен долбоорлорду ишке ашыруу, аймактагы экологиялык демилгелерди мындан ары өнүктүрүү перспективаларын талкуулашты.

Кыргыз Республикасынын Жаратылыш ресурстары, экология жана техникалык көзөмөл министрлиги Самарканд декларациясына кол коюу Борбордук Азиядагы сейрек кездешүүчү түрлөрдү коргоо жана жаратылыш ресурстарын туруктуу башкарууну камсыз кылуу боюнча иш-аракеттерди координациялоо, маалымат алмашуу жана күч-аракеттерди бириктирүү үчүн жаңы мүмкүнчүлүктөрдү ачарын белгилейт.