Жаратылыш ресурстары министрлиги жана «Move Green» (ЭАБАУ) студенттери үчүн экологиялык семинар өткөрүштү

Кыргыз Республикасынын Жаратылыш ресурстары, экология жана техникалык көзөмөл министрлигинин имаратында Борбор Азиядагы Эл аралык университеттин (ЭАБАУ) биринчи курс студенттери үчүн билим берүүчү иш-чара өткөрүлдү.

Жолугушуунун демилгечиси болуп «Move Green» коомдук бирикмеси чыгып, иш-чара министрликтин Атмосфералык абаны коргоо бөлүмү жана Долбоорлорду ишке ашыруу бөлүмүнүн (ОРП) колдоосу менен уюштурулду.

Иш-чара ачык диалог форматында өтүп, жаштарды актуалдуу экологиялык көйгөйлөрдү чечүүгө тартууга жана туруктуу өнүгүү принциптерин жайылтууга багытталды.

Жолугушуунун негизги темалары:

* Экологиялык жоопкерчилик — аң-сезимдүү адаттарды калыптандыруу жана келечектеги техникалык адистердин кесиптик өзүн-өзү аныктоосу

* Абанын булганышы — зыяндуу заттардын булактарын жана алардын калктын ден соолугуна тийгизген таасирин талдоо

* Практикалык мисалдар — ОРПнын директору Г. Абдылдаева Бишкек шаарында жана Чүй облусунда абанын сапатын жакшыртуу боюнча Дүйнөлүк банктын долбоорунун жыйынтыктарын тааныштырды

«Бүгүнкү күндө экологиялык сабаттуулук — бул жөн гана теория эмес, инженердик жана башкаруучулук чечимдерди кабыл алуу үчүн зарыл болгон негиз. Биз айлана-чөйрөгө кам көрүү жаңы муундагы адистердин ички баалуулугуна айланышын каалайбыз», — деп белгилешти уюштуруучулар.

Студенттер жогорку кызыгуу жана активдүүлүк көрсөтүп, Токмок шаарындагы экологиялык абалды жакшыртуу боюнча өз демилгелерин сунушташты.

Мындай жолугушуулар теориялык билимден практикалык иш-аракетке өтүүгө өбөлгө түзүп, Кыргызстанда жаратылышты коргоо багытында туруктуу өнүгүүгө багытталган жаңы адистердин муунун калыптандырат.