Манас шаардык мэриясына түшкөн арыздын негизинде Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын Манас шаары–Жалал-Абад регионалдык башкармалыгы тарабынан тиешелүү текшерүү иштери жүргүзүлдү.

Текшерүүнүн жүрүшүндө «Башталыш Гранд» ишканасынын курулушуна жакын жайгашкан турак үйдүн үстүнөн жүк өткөрүлгөндүгү аныкталды.

Аталган факты боюнча Укук бузуулар жөнүндө кодексине ылайык 35 000 сом өлчөмүндө айып пул салынды.

Мындан тышкары, мыйзам талаптарын сактоо боюнча тиешелүү түшүндүрүү иштери жүргүзүлдү.