Интернет булактарында жарыяланган видео материалдардын негизинде Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын Ысык-Көл регионалдык башкармалыгынын инспекторлору тарабынан Ысык-Көл облусунун Чоң-Өрүктү айылындагы белгиленбеген жерге таштанды калдыктарын таштоо фактысы аныкталды

Интернет булактарында жарыяланган видео материалдардын негизинде Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын Ысык-Көл регионалдык башкармалыгынын инспекторлору тарабынан Ысык-Көл облусунун Чоң-Өрүктү айылындагы белгиленбеген жерге таштанды калдыктарын таштоо фактысы аныкталды.

Жүргүзүлгөн текшерүүнүн жыйынтыгында Кыргыз Республикасынын Укук бузуулар жөнүндө кодексинин 115-беренесинин 1-бөлүгүнө ылайык укук бузган жеке жакка 5 500 сом өлчөмүндө административдик айып пул салынды.

Мындан тышкары, таштанды ташталган аймак толугу менен тазаланып, калдыктар белгиленген жайга чыгарылды.

Жаратылыш ресурстары, экология жана техникалык көзөмөл министрлиги жарандарды айлана-чөйрөнүн тазалыгын сактоого, тиричилик калдыктарын белгиленген жайларга гана таштоого жана экологиялык талаптарды так сактоого чакырат.