Климат жумалыгы: климаттын өзгөрүшүнө адаптациялоо

Кыргыз Республикасынын Жаратылыш ресурстары, экология жана техникалык көзөмөл министрлиги климаттын өзгөрүшүнө адаптациялоо жана коомчулуктун туруктуулугун жогорулатуу боюнча күч-аракеттерди активдештирүү максатында "Кыргызстандын климаттык диалог платформасынын" ишин кайра жандандырат.

Бүгүн, 10-октябрь, 2024-жылы Бишкекте "КС-29 жолу" улуттук климаттык форум-диалогу башталды. Кыргыз Республикасынын Министрлер кабинетинин төрагасынын орун басары Эдил Байсаловдун катышуусу менен климаттын өзгөрүшүнө адаптациялоо: координациялоо, аракеттерди күчөтүү жана  жакшыртуу". 

Улуттук климаттык диалог негизги катышуучуларды — мамлекеттик органдарды, илимий коомчулукту, жарандык секторду жана эл аралык өнөктөштөрдү — климаттык өзгөрүүлөргө адаптациялоо маселелерин талкуулоо үчүн бириктирди. Диалогдун негизги максаты-БУУнун климаттын өзгөрүшү жөнүндө Алкактык Конвенциясынын (КС-29) тараптарынын 29-конференциясына даярдык көрүү жана адаптациялык иш-чараларды пландаштырууга жана ишке ашырууга катышкан эксперттерди бириктирүү.

Диалог жашыл экономиканы адаптациялоо жана өнүктүрүү максаттарына жетүү үчүн зарыл болгон иш-аракеттерге багытталган. Бул климаттык чараларды каржылоо боюнча негиздүү позицияны түзүү үчүн боштуктарды жана каржылоо мүмкүнчүлүктөрүн аныктоо менен өлкөнүн деңгээлинде адаптациялоону пландаштырууга жардам берет.

Мындан тышкары, диалог бардык кызыкдар тараптарга, анын ичинде айылдык жамааттарга жана аялуу топторго, алардын көйгөйлөрүн жана адаптациялоо жана каржылоо муктаждыктарын айтууга мүмкүнчүлүк берет. 

Жолугушуу Азербайжандын Баку шаарында өтө турган БУУнун климаттын өзгөрүшү жөнүндө Алкактык Конвенциясынын (КС-29) тараптарынын 29-конференциясынын алдында өтүп жатат.