♻️ Товарлар жана товарлардын таңгактары керектөө касиеттерин жоготкондон кийин кайра иштетүүгө тийиш болгон товарлар боюнча декларацияны тапшыруу мөөнөттөрү тууралуу

Кыргыз Республикасынын Министрлер Кабинетинин 2024-жылдын 6-сентябрындагы №545 токтому менен бекитилген Кыргыз Республикасынын аймагында жүгүртүүгө чыгарылган товарлардын жана товарлардын таңгактарынын көлөмүн өндүрүүчүлөр жана импорттоочулар тарабынан декларациялоо жөнүндө жобого ылайык, декларацияны жыл сайын тапшыруу боюнча милдеттүү талаптар белгиленген.

Товарларды өндүрүүчүлөр жана импорттоочулар керектөө касиеттерин жоготкондон кийин кайра иштетүүгө тийиш болгон товарлардын жана товарлардын таңгактарынын жүгүртүүгө чыгарылган көлөмү жөнүндө декларация тапшырууга милдеттүү.

Белгиленген нормаларга ылайык, декларация жыл сайын отчеттук мезгилден кийинки жылдын 1-апрелинен кечиктирилбестен тапшырылат.

Декларация төмөнкү тартипте берилет:

— калдыктарды эсепке алуунун бирдиктүү маалыматтык системасы аркылуу электрондук формада;

— же техникалык мүмкүнчүлүк жок болгон учурда, электрондук версиясын милдеттүү түрдө тиркөө менен кагаз жүзүндө.

Декларация төмөнкүлөрдүн негизинде түзүлөт:

— баштапкы эсепке алуу документтери (өндүрүүчүлөр үчүн);

— бажы жана товар коштоочу документтер (импорттоочулар үчүн).

Белгилей кетсек, Кыргыз Республикасынын аймагынан тышкары чыгарылып кеткен товарлар жана таңгактар декларацияга киргизилбейт.

Өндүрүүчүлөрдүн кеңейтилген жоопкерчилигинин оператору (РОП) берилген маалыматтардын толуктугун жана аныктыгын текшерет.

Эгерде декларация белгиленген мөөнөттө берилбесе, ӨКЖ оператору аны тапшыруу тууралуу талап жөнөтөт, ошондой эле Кыргыз Республикасынын мыйзамдарына ылайык жоопкерчилик чаралары колдонулушу мүмкүн.

Өндүрүүчүлөрдү жана импорттоочуларды белгиленген талаптарды өз убагында аткарууга жана декларацияны белгиленген мөөнөттө тапшырууга чакырабыз.

📞📲 Байланыш телефондору: 0312 44 22 33; 0509 78 87 99