Жаратылыш ресурстары, экология жана техникалык көзөмөл министрлигинин Ош регионалдык башкармалыгы тарабынан “Кыргыз-Ата” мамлекеттик жаратылыш паркында атайын дрондордун жардамы менен абадан байкоо жүргүзүлүүдө

Жаратылыш ресурстары, экология жана техникалык көзөмөл министрлигинин Ош регионалдык башкармалыгы тарабынан “Кыргыз-Ата” мамлекеттик жаратылыш паркында атайын дрондордун жардамы менен абадан байкоо жүргүзүлүүдө.

Бул демилгенин негизги максаты — экологиялык мыйзамдардын талаптарынын сакталышын камсыз кылуу, анын ичинде:

•    таштандыларды белгиленбеген жерлерге таштоого жол бербөө;

•    өрт коопсуздугунун эрежелеринин сакталышын көзөмөлдөө;

•    ар кандай мыйзамсыз аракеттердин алдын алуу.

Мыйзам бузуулар аныкталган учурда, мыйзам бузуучуларга Кыргыз Республикасынын мыйзамдарына ылайык тиешелүү административдик чаралар көрүлөт.

Ош регионалдык башкармалыгы парктын бардык конокторун жана эс алуучуларын айлана-чөйрөгө аяр мамиле жасап, жаратылышты таза сактоого жана анын уникалдуу кооздугун биргелешип коргоого чакырат.

Эске салсак, жакныда “Кыргыз-Ата” мамлекеттик жаратылыш паркында жаңы кире бериш аркасын жана өткөрмө-көзөмөл пунктун куруу долбоору ишке ашырыла баштаган. Аталган долбоор парктын аймагына кирип-чыгууну тартипке келтирүүгө, көзөмөлдү күчөтүүгө жана парктын сырткы көрүнүшүн жакшыртууга багытталган.