Табиятты коргоо – жалпы жоопкерчилик!

Бишкек шаарынын жана Аламүдүн районунун аймагында көлмөлөрдүн жээктери жана талааларда камыштар менен кургак чөптөрдүн өрттөлүшүнө байланыштуу экологиялык көйгөйлөр жаралууда. Бул маселени иликтөө жана алдын алуу максатында, Жаратылыш ресурстары, экология жана техникалык көзөмөл министрлигине караштуу Экология жана техникалык көзөмөл кызматынын Бишкек шаары жана Аламүдүн району боюнча башкармалыгынын башчысы жана инспекторлору жергиликтүү бийлик өкүлдөрү менен биргеликте өрттөнгөн аймактарга барып, калкка түшүндүрүү иштерин жүргүзүштү.  

Өрттөө – жаратылышка жана адамдарга чоң зыян алып келет!  

Камыштарды жана кургак чөптөрдү атайылап өрттөө экосистемага олуттуу зыян келтирип, өсүмдүктөрдү, жапайы жаныбарларды жана суу ресурстарын жок кылат. Ошондой эле абанын булганышын күчөтүп, адамдардын ден соолугуна терс таасирин тийгизет.  

Иш-чаранын жүрүшүндө жарандарга экологиялык коопсуздуктун маанилүүлүгү, курчап турган чөйрөнү сактоонун зарылдыгы тууралуу маалыматтар берилди. Ошондой эле мыйзамсыз өрттөө иштерине каршы катуу чаралар көрүлөрү эскертилди.  

Мыйзам бузгандарга айып пул салынат!  

Учурда мыйзамга ылайык, ар кандай таштандыларды, жалбырактарды жана синтетикалык калдыктарды өрттөгөн жеке жактарга 7 500 сом, юридикалык жактарга **23 000 сом айып пул каралган.  

❗️❗️Коомчулукту активдүү болууга чакырабыз!  

Өрттөө фактыларын байкаган учурда, кайдыгер болбой, биздин 

📲📞108 ыкчам байланыш номерине дароо кабарлап коюуңуздарды өтүнөбүз!  

** Бардык жарандарды жаратылышты коргоого жана экологиялык тартипти сактоого чакырабыз!