Бишкекте абанын сапатын жакшыртуу боюнча көрүлүп жаткан чаралар

Жарандардын ден соолугун коргоо жана абанын булганышын азайтуу максатында Бишкек шаарында жаратылыш ресурстары, экология жана техникалык көзөмөл министри М.А. Машиевдин төрагалыгы алдында мамлекеттик органдардын жетекчилеринин 11 орун басарынан турган Ведомстволор аралык комиссия, Бишкек шаарынын мэринин орун басары Р. Г. Алиев катышты.

2024-жылы отурумдардын жыйынтыгы боюнча төмөнкү негизги демилгелер ишке ашырылды: 

- Министрлер кабинети тарабынан "Бишкек шаарындагы абанын сапатын жакшыртуу боюнча 2024-2025-жылдарга карата биринчи кезектеги чаралардын Планы" бекитилди, анда жаңы конуштарды газдаштыруу, от казандарын жаратылыш газына өткөрүү, экологиялык транспортту өнүктүрүү жана башка чаралар каралган. 

- Газдаштыруу. 

Бишкек шаарында жана Чүй облусунда 52 жаңы конуш газдаштырылды, бул 23 127 үйдү жаратылыш газына кошууга мүмкүндүк берип, көмүр керектөөнү 69,3 миң тоннага азайтты. 

- Экологиялык транспорт. 

Борбор калаага экологиялык таза отун менен иштеген 1200дөн ашык автобус келип, дизелдин күнүмдүк керектөөсүн 100 тоннага кыскартты. 

- Санитардык полигон. 

10 жылдан ашык күйүп кеткен Бишкек санитардык полигону өчүрүлдү, бул түтүндүн деңгээлин 10-15% га төмөндөттү. 3000 бак-дарак отургузууну кошо алганда, аймакты рекультивациялоо боюнча иштер башталды.

- Өнөр жай эмиссиясын контролдоо.

Экологиялык нормаларды бузуу менен иштеген кирпич заводторунун иши токтотулуп, материалдар Башкы прокуратурага өткөрүлүп берилди. 

- Абанын сапатына Мониторинг жүргүзүү. 

Туура эмес маалыматтарды өткөрүп берген эл аралык стандарттар тарабынан тастыкталбаган 7 сенсор демонтаждалды. 

- Министрлик тарабынан тыюу салынган заттарды күйгүзбөө жана булганууну азайтуу боюнча рейдтер жана билим берүү кампаниялары ишке ашырылууда. 

- Улуттук долбоорлор. 

Президенттин колдоосу астында "Жашыл мурас" өнөктүгү башталды, анын алкагында 2030-жылга чейин 90 миллион бак-дарак отургузуу пландалууда. Мындан тышкары, эл аралык өнүктүрүү ассоциациясы (Дүйнөлүк банк) менен кызматташтыкта "Кыргыз Республикасында абанын сапатын жакшыртуу" долбоорун ишке ашыруу башталды. 

Долбоор абанын сапатына мониторинг жүргүзүү жана башкаруу системаларын модернизациялоого, жылытуунун экологиялык таза технологияларын өнүктүрүүгө жана жашыл аянттарды көбөйтүүгө багытталган. 

Долбоордун жалпы бюджети 50 млн долларды түзөт, ага 50 жылга чейинки мөөнөткө жеңилдетилген шарттарда каржылоо кирет. Жогоруда көрсөтүлгөн чаралар экологиялык кырдаалды жакшыртууга гана эмес, ден соолукту сактоо жана климаттын өзгөрүшүнө каршы күрөшүү боюнча өлкөнүн милдеттенмелерин колдоо менен шаардыктардын жашоо сапатын жакшыртууга мүмкүндүк берет.