Жаратылыш министрлигине караштуу Экологиялык жана техникалык көзөмөл кызматынын Бишкек шаары жана Аламүдүн району боюнча регионалдык башкармалыгы Теплые ключи санаториясынын аймагында «Белен Групп» ЖАК тарабынан Аламүдүн кичи гидроэлектр станциясынын курулушунда бак дарактардын мыйзамсыз кыйылгандыгын аныктаган

Жаратылыш министрлигине караштуу Экологиялык жана техникалык көзөмөл кызматынын Бишкек шаары жана Аламүдүн району боюнча регионалдык башкармалыгы Теплые ключи санаториясынын аймагында «Белен Групп» ЖАК тарабынан Аламүдүн кичи гидроэлектр станциясынын курулушунда бак дарактардын мыйзамсыз кыйылгандыгын аныктаган.  

Айлана-чөйрөгө келтирилген зыяндын көлөмү 152 миң 208 сомго бааланган. Келтирилген зыяндын суммасы компания тарабынан ыктыярдуу түрдө мамлекеттин эсебине толук төлөндү жана айлана-чөйрөгө келтирилген зыяндын орду толтурулат.

Учурда курулуш иштери тиешелүү мамлекеттик органдар тарабынан берилген уруксат берүүчү жана макулдашуу документтеринин негизинде жүргүзүлүүдө. Аталган долбоор боюнча шаар куруу корутундусу, жер тилкесин пайдалануу келишими, техникалык шарттар, курулуш иштерин жүргүзүүгө уруксат берүүчү буйруктар жана объектти реестрге киргизүү тууралуу документтер көрсөтүлгөн.