Кыргыз Республикасынын Геология кызматынын 2024-жылдын сентябрынан 2025-жылдын сентябрына чейинки мезгилдеги XXVII-сессиянын чечимдерин аткаруу жана КМШга мүчө мамлекеттердин 2023–2030-жылдарга карата кен байлыктарын чалгындоо, пайдалануу жана коргоо боюнча Перспективдүү планын ишке ашыруу боюнча жүргүзгөн иштеринин жыйынтыгы

Кыргыз Республикасынын Геология кызматынын 2024-жылдын сентябрынан 2025-жылдын сентябрына чейинки мезгилдеги XXVII-сессиянын чечимдерин аткаруу жана КМШга мүчө мамлекеттердин 2023–2030-жылдарга карата кен байлыктарын чалгындоо, пайдалануу жана коргоо боюнча Перспективдүү планын ишке ашыруу боюнча жүргүзгөн иштеринин жыйынтыгы

1. Металлогендик изилдөөлөр жана рудага байланышкан локалдык божомолдоо

Кыргыз Республикасынын Улуттук илимдер академиясынын Геология институту бул багыттагы иштерди аткаруу боюнча Россия Федерациясынын Борбордук кен издөө-илимий-изилдөө институту (ЦНИГРИ) жана Всероссиялык экология жана минералдык ресурстар институту (ВСЕГЕИ) менен тыгыз кызматташтыкта иш алып барууда.

Геология институтунун кызматкерлери Санкт-Петербург шаарындагы Карпинский атындагы геология институтунун адистери менен биргеликте Кыргызстандын төмөнкү кен чыккан жерлеринде талаа изилдөөлөрүн жүргүзүштү:

Мироновское

Кутессай-II

Долпран

Коматор

Жерүй

Чаарат

Талды-Булак

Андаш

Аткарылган иштердин негизги багыттары:

Рудалуу аймактарда таралган интрузивдүү тектерин жашын аныктоо;

Жаратылыш тектерине жана рудаларга минералогиялык-петрографиялык талдоо жүргүзүү;

Рудалуу метасоматиттерге формациялык анализ жүргүзүү;

Геология-генетикалык жана геодинамикалык моделдерди түзүү.

Мындан тышкары, Геология институту жана ЦНИГРИ биргелешип Кыргызстандын кен чыккан жерлеринен алынган үлгүлөрдүн минералогиялык жана петрографиялык изилдөөлөрүн да жүргүзүштү.