Россиянын жаратылыш илимдери академиясы жыл сайын "ЭкоМир" Эл аралык экологиялык сыйлыгынын лауреаты наамына айлана-чөйрөнү коргоо жана экологиялык коопсуздукту камсыздоо жаатындагы көрүнүктүү жетишкендиктери үчүн сынак өткөрө

Россиянын жаратылыш илимдери академиясы жыл сайын "ЭкоМир" Эл аралык экологиялык сыйлыгынын лауреаты наамына айлана-чөйрөнү коргоо жана экологиялык коопсуздукту камсыздоо жаатындагы көрүнүктүү жетишкендиктери үчүн сынак өткөрөт. 

Сынакка Россиядан жана дүйнөнүн 50дөн ашык өлкөсүнөн 250дөн ашуун уюм жана жеке авторлор катышуусу күтүлүүдө. 

• Сыйлык 11 номинация боюнча берилет: 

• экологиялык саясат жана айлана-чөйрө, 

• экологиялык билим берүү, 

• жаштардын долбоорлору жана программалары, 

• экологиялуу коопсуз товарлар жана азыктар, 

• экология жана адамдын ден соолугу ж.б. 

Сынакка ишканалар жана уюмдар, автордук жамааттар, бийлик органдарынын өкүлдөрү, коомдук ишмерлер жана жеке адамдар катыша алышат. Арыздарды берүүнүн мөөнөтү - 2026-жылдын 15-декабрына чейин кабыл алынат. 

Конкурсутун эрежелери жана талаптары боюнча www.raen.info сайтынан таанышууга болот.