Министр М.Машиев - Азия өнүктүрүү банкынын (АӨБ) расмий делегациясы менен ошондой эле КР коомчулукту өнүктүрүү жана инвестициялоо агенттигинин (АРИС) өкүлдөрүнүн ортосунда үч тараптуу маанилүү жолугушууга катышты.

Министр М.Машиев  - Азия өнүктүрүү банкынын (АӨБ) расмий делегациясы менен  ошондой эле КР коомчулукту өнүктүрүү жана инвестициялоо агенттигинин (АРИС) өкүлдөрүнүн ортосунда үч тараптуу маанилүү жолугушууга катышты.                        Жолугушуунун негизги максаты "катуу калдыктар чөйрөсүндөгү айлана-чөйрөнү жакшыртуу" (SWEEP ) долбоорун даярдоо жана ишке ашырууну талкуулоо болду.

АӨБ делегациясынын курамына АӨБдүн Кыргызстандагы Туруктуу өкүлчүлүгүнүн миссиясынын өлкөлүк директору Жен Ву мырза, шаарды өнүктүрүү боюнча башкы адис  Хиёнг Хонг айым жана башка бир катар эксперттер кирди. 

Жолугушуу министр М. Машиевдин жетектөөсү астында , калдыктар менен иштөө бөлүмүнүн башчысы Асель Мурзабаева да катышты. Ошондой эле АРИСтин Аткаруучу директору – Марс Наспеков, аткаруучу директордун орун басары - Асель Мамбеткулова жана Министрликтин жана АРИСтин башка өкүлдөрү катышты.

Жолугушуунун жүрүшүндө АРИС учурдагы долбоорлордун алкагында катуу тиричилик калдыктарын башкаруу боюнча ийгиликтүү иш-чараларды сунуштады.  Жен Ву мырза АӨБдүн долбоорду колдоого кызыкдарлыгын баса белгилеп, Кыргызстандын керектөөлөрүнө ылайыкташтырыла турган ар кандай каржылоо механизмдеринин бар экендигин билдирди.

М. Машиев бул долбоор климаттын өзгөрүүсүнүн шартында өлкө үчүн өтө маанилүү экенин белгилеп, Министрликтин долбоорду ишке ашырууга активдүү катышууга даярдыгын билдирип, анын актуалдуулугун жана өлкөнүн экологиялык туруктуулугу үчүн маанилүүлүгүн белгиледи. АРИСтин аткаруучу директору М. Д. Наспеков долбоордун ийгиликтүү аткарылышын камсыз кылуу үчүн аны даярдоо үчүн негизги кадамдарды аныктоо зарыл экенин кошумчалады.

Жолугушуунун жыйынтыгы боюнча тараптар калдыктарды башкаруу чөйрөсүндө туруктуу натыйжаларга жетишүү үчүн биргелешкен иштин маанилүүлүгүн баса белгилеп, Кыргызстандагы экологиялык демилге үчүн жаңы горизонтторду ачып, SWEEP,  долбоорун илгерилетүү боюнча мындан аркы кадамдарды макулдашышты. Долбоор катуу таштандыларды башкарууну жакшыртып гана тим болбостон, өлкөнүн туруктуу өнүгүүсүнө салым кошот деп күтүлүүдө.