Ысык-Көл акваториясында 1100 метр эски тор алынды
05-ноябрь 2025, 14:22
Ысык-Көл акваториясында 1100 метр эски тор алынды
2025-жылдын 4-ноябрында Жаратылыш ресурстары,экология жана техникалык көзөмөл министрлигине караштуу Экологиялык жана техникалык көзөмөл кызматынын Ысык-Көл регионалдык башкармалыгынын инспекторлору тарабынан Ысык-Көлдүн акваториясында Кыргыз Республикасынын Президентинин 2022-жылдын 26-апрелиндеги №131 Жарлыгын аткаруу максатында 1100 метр мыйзамсыз коюлган синтетикалык эски тор алынды.
Бул иш-чарага жарандык активистер да катышып,балык ресурстарын жана көлдүн биологиялык ар түрдүүлүгүн коргоого багытталган.
Мындан тышкары, экологиялык коопсуздукту сактоо жана жаратылыш ресурстарын мыйзамсыз пайдаланууга бөгөт коюу максатында рейддик текшерүүлөр үзгүлтүксүз жүргүзүлүп жатат.
