Аламүдүн районунда браконьерликке каршы рейд учурунда мыйзам бузуу аныкталды

2026-жылдын 20-февралында болжол менен саат 23:00дө браконьерлик фактыларын алдын алуу жана бөгөт коюуга багытталган пландуу рейддик иш-чаралардын жүрүшүндө Кыргыз Республикасынын Жаратылыш ресурстары, экология жана техникалык көзөмөл министрлигинин Чүй регионалдык башкармалыгынын кызматкерлери тарабынан Аламүдүн районунун аймагында жаратылышты коргоо мыйзамдарынын талаптарын бузуу фактысы аныкталды.

Текшерүүнүн жүрүшүндө түнкү убакта кабынан чыгарылган аңчылык куралы менен жүргөн жаран аныкталып, бул Кыргыз Республикасынын мыйзамдарына ылайык аңчылык эрежелерин бузуу болуп эсептелет.

Материалдарды кароонун жыйынтыгында аймактык аңчылык коомунун егери жана штаттан тышкаркы кызматкерлери менен профилактикалык түшүндүрүү иштери жүргүзүлүп, укук бузуу жөнүндө протокол түзүлдү жана 12 500 сом өлчөмүндө административдик айып пул салуу тууралуу токтом чыгарылды.

Чүй регионалдык башкармалыгы браконьерликке каршы системалуу күрөш жүргүзүү ишмердүүлүктүн артыкчылыктуу багыттарынын бири болуп калаарын белгилейт. Рейддик иш-чаралар туруктуу негизде жүргүзүлүп, түнкү текшерүүлөрдү, аңчылык жайларында көзөмөлдү күчөтүүнү жана аңчылык пайдалануучулар менен өз ара аракеттенүүнү камтыйт жана жарандарды жаратылышты коргоо мыйзамдарынын талаптарын так сактоого чакырат.

Чүй облусунда жаныбарлар дүйнөсүн коргоо жана браконьерликтин алдын алуу боюнча иштер күчөтүлгөн тартипте улантылат.