Чүй облусунда аңчылык эрежелерин бузуу фактылары аныкталды

Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын Чүй регионалдык башкармалыгы тарабынан Чүй облусунун аймагында жүргүзүлгөн рейддик иш-чаранын жүрүшүндө аңчылык эрежелерин бузуу фактылары аныкталды.

Рейддин жыйынтыгында төмөнкү мыйзам бузуулар катталды:

•    Аңчылык кылууга уруксат берилген жолдомодо көрсөтүлгөн аймактан тышкары жерде аңчылык жүргүзүлгөн;

•    Аңчылык итке тиешелүү күбөлүк болгон эмес;

•    Аңчылык караңгы убакта жүргүзүлгөн.

Аныкталган мыйзам бузуулар боюнча Укук бузуулар жөнүндө кодексине ылайык («Аңчылык эрежелерин бузуу») жалпы суммасы 25 000 сом түзгөн 2 административдик протокол түзүлдү.