Ысык-Көл облусунда пансионаттар жана жарандар тарабынан экологиялык мыйзамдардын бузулушу аныкталды

Кыргыз Республикасынын Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын инспекторлору тарабынан жүргүзүлгөн көзөмөл иш-чараларынын жүрүшүндө экологиялык мыйзам бузуулар катталып, тиешелүү чаралар көрүлдү.

Тактап айтканда:

•    “Рохат” пансионатына Кыргыз Республикасынын "Укук бузуулар жөнүндө" Кодексинин 115-беренесинин 1-пунктунун (атайын белгиленбеген жерлерге таштандыларды таштоо, үйүп салуу) негизинде 17 000 сом айып пул салынды;

•    “Алтын-Кол” пансионатына ушул эле берене менен — 17 000 сом айып салынды;

•    Ышкыбоздук балык уулоо эрежелерин бузгандыгы үчүн, 266-берененин 1-пунктунун негизинде 2 жаранга жалпы 2 000 сом административдик айып пул салынды;

•    Ошондой эле 115-берененин 1-пунктунун негизинде жеке жаранга 5 500 сом айып салынды.

Жалпы салынган айып пулдардын суммасы — 41 500 сомду түздү.

Экологиялык жана техникалык көзөмөл кызматы жарандарды жана чарба субъекттерин айлана-чөйрөнү коргоо боюнча мыйзамдарды так сактоого чакырат. Таштандыларды уруксатсыз жерлерге төгүү жана балык уулоо эрежелерин бузуу экологияга олуттуу зыян алып келүүчү укук бузуулар болуп саналат.