Кыргызстанда үч дарыя бассейни үчүн климаттык тобокелдиктерге баа берүү башталды

2024-жылдын 15-апрелинде Бишкек шаарында Шахимардан, Исфайрамсай жана Чоң-Кемин дарыяларынын үч бассейни үчүн климаттык тобокелдиктерди баалоо боюнча семинар болуп өттү. 

Ага өкмөттүн айлана-чөйрөнү коргоо, суу ресурстарын башкаруу, өзгөчө кырдаалдар бөлүмдөрүнүн, Кыргызгидрометтин өкүлдөрү, жогорку окуу жайлардын адистери жана бейөкмөт уюмдардын өкүлдөрү катышты. Жолугушуунун максаты Кыргызстандын тандалган бассейндеринде келечектеги баалоолорду жүргүзүү боюнча макулдашылган стратегияны иштеп чыгуу болду.

Бул иш Борбордук Азия өлкөлөрүндө беш трансчегаралык бассейн боюнча масштабдуу изилдөөнүн бир бөлүгү болуп саналат. Анын негизинде алардын ар бири  климаттын өзгөрүүсүн жеңилдетүү боюнча чаралар сунушталат: Кыргызстан менен Өзбекстандагы Исфайрамсай, Кыргызстан менен Өзбекстандагы Шахимардан, Тажикстан менен Өзбекстандагы Зеравшан, Түркмөнстандагы Мургаб жана Кыргызстан менен Казакстандагы Чоң-Кемин/Чу дарыясы. Тандоодо көлөм, сууга байланыштуу өзгөчө кырдаалдардын болушу, гидрологиялык жана метеорологиялык станцияларга кирүү мүмкүнчүлүгү эске алынган. Ошондой эле , бул бассейндердин баары, салыштырмалуу жогорку суу стресске дуушар болушат.

Изилдөө жана семинар "Борбордук Азиядагы климаттык тобокелдиктерди башкаруу" программасынын алкагында өткөрүлүүдө, Германиянын Федералдык министрлигинин атынан Deutsche Gesellschaft für Internationale Zusammenarbeit (GIZ) GmbH (Германиянын Эл аралык кызматташтык коому) тарабынан ишке ашырылууда Германиянын экономикалык кызматташтык жана өнүктүрүү боюнча федералдык министрлигинин (BMZ) атынан. Ушул эле жолугушууларды апрель жана май айларында Таразда (Казакстан), Ашхабадда (Түркмөнстан), Пенжикентте (Тажикстан) жана Ташкентте (Өзбекстан) өткөрүү пландалууда. 

Аналитикалык материалдардан жана сунушталган чараларды жарым-жартылай ишке ашыруудан тышкары, изилдөөнүн жүрүшүндө ар бир өлкөдө климаттык тобокелдиктерге баа берүү боюнча инструкторлорду даярдоо жүргүзүлөт.