Ош шаарында эл аралык жаратылышты коргоо Конвенциялары чегинде мамлекеттик БАЖЫ көзөмөлүнө арналган семинар өттү

Ош шаарында Стокгольм, Роттердам жана Базель конвенцияларынын алкагында мамлекеттик бажы көзөмөлүн күчөтүү маселелерине арналган семинар болуп өттү.

Иш-чара ЮНЕПтин «Жашыл бажы» программасынын алкагында уюштурулуп, Кыргыз Республикасынын Бажы кызматынын адистеринин кооптуу химиялык заттардын жана калдыктардын мыйзамсыз айлануусун алдын алуу боюнча кесиптик мүмкүнчүлүктөрүн жогорулатууга багытталды.

Семинарда төмөнкү маселелер каралды:

          •        Кыргызстанга жүктөлгөн эл аралык милдеттенмелерди аткаруу маселелери;

          •        бажы көзөмөлүндө айлана-чөйрөнү коргоо мыйзамдарын колдонуу тажрыйбасы;

          •        тыюу салынган жана чектелген заттарды аныктоонун заманбап ыкмалары;

          •        чек арада экологиялык коопсуздукту камсыздоодо мекемелер аралык кызматташуунун натыйжалуу механизмдери.

Иш-чаранын жүрүшүндө катышуучулар тажрыйба алмашып, учурдагы чакырыктарды талкуулап, өлкөнүн экологиялык коопсуздугун күчөтүүгө жана эл аралык милдеттенмелерди толук аткарууга жардам берүүчү сунуштарды иштеп чыгышты.

Мындай окутуу иш-чаралары улуттук компетенттүү органдардын потенциалын чыңдоого, ошондой эле экологиялык жактан жоопкерчиликтүү бажы практикасын өнүктүрүүгө көмөктөшөт.