Тоскоол-Ата токой чарбасында 100 гектар жерди тосуу иштери башталды

Жалал-Абад өрөөнү
Тоскоол-Ата токой чарбасында 100 гектар жерди тосуу иштери башталды

Жаратылыш ресурстары, экология жана техникалык көзөмөл министрлигине караштуу Токой кызматынын Тоскоол-Ата токой чарбасында токой фондунун жерлерин коргоону күчөтүү максатында 100 гектар аянтты тосуу иштери башталды.

Учурда долбоорду ишке ашыруу үчүн зарыл болгон курулуш материалдарын жеткирүү иштери жүрүүдө.

Долбоордун алкагында Тоскоол-Ата токой чарбасынын Голмүн токой бөлүмүнө караштуу тилкелердин биринде жалпы аянты 100 гектарды түзгөн жер тилкеси тосулат.

Аталган иш-чара токой фондунун аймактарын мыйзамсыз жана көзөмөлсүз пайдалануунун алдын алууга, малдын башаламан жайылышын чектөөгө, жашыл өсүмдүктөрдүн жана токой ресурстарынын сакталышына шарт түзөт. 


Белгилей кетсек, Тоскоол-Ата токой чарбасы Жалал-Абад облусунун Ноокен районунда жайгашкан. Ал 1997-жылы уюшулган. Токойдун аймагында жаңгак-мөмө жана башка дарак-бадал түрлөрүнөн турган табигый жана адамдын таасири менен калыптанган токойлор кездешет.