Жети-Өгүз районунда жайгашкан “Ак-Жалга” ЖАКта пландан тышкаркы текшерүү жүргүзүлдү

Интернет булактарына чыгып кеткен маалымат боюнча Жаратылыш ресустары,экология жана техникалык козомол министрлигине караштуу Экологиялык жана техникалык көзөмөл кызматынын Ысык-Көл регионалдык башкармалыгы тарабынан Жети-Өгүз районунун Кызыл-Суу айылында жайгашкан “Ак-Жалга” жабык акционердик коомунда пландан тышкаркы текшерүү жүргүзүлүп, Укук бузуулар жөнүндө кодексинин 236 1-беренесине (Айлана-чөйрөгө агынды сууларды чыгарууну жүзөгө ашыруунун тартибин бузуу) ылайык 28000 сом айып пул салынып, жеринен текшерүү актысы түзүлүп, бузууларды четтеттүү тууралуу эскертме жазуу тапшырылды.

Мындан сырткары Министрликтин Экологиялык мониторинг департаменти тарабынан “Ак-Жалга” жабык акционердик коомуна тиешелүү саркынды сууларды тазалоочу курулмадан чыккан суулардын анализдик үлгүлөрү алынды, жыйынтыгы менен тиешелүү чаралар көрүнөт.