2026-жылдын январь–май айларында утилдештирилген жыйымдан түшкөн каражаттын суммасы 132,1 млн сомду түздү. Бул өткөн жылдын ушул эле мезгилине салыштырмалуу 115,4 млн сомго көп

2026-жылдын январь–май айларында утилдештирилген жыйымдан түшкөн каражаттын суммасы 132,1 млн сомду түздү. Бул өткөн жылдын ушул эле мезгилине салыштырмалуу 115,4 млн сомго көп. Ошондой эле төлөөчүлөрдүн саны 50дөн 259 субъектке чейин өскөн.

Жаратылыш министрлигине караштуу «Эко Оператор» мамлекеттик ишканасы өндүрүүчүлөрдүн кеңейтилген жоопкерчилик системасын өркүндөтүүнү улантып, мамлекеттик органдар менен ведомстволор аралык кызматташууну өнүктүрүүдө. Мындан тышкары, «Түндүк» ААК менен биргеликте автоматташтырылган маалыматтык системаны түзүү иштерине катышууда.

Учурда калдыктарды сорттоо, кайра иштетүү жана утилизациялоо менен алектенген ишканалардын реестрин түзүү боюнча иштер жүргүзүлүүдө. Бүгүнкү күндө реестрге болжол менен 130 ишкана киргизилген. Алардын ичинен 63 ишкана менен байланыш түзүлүп, анын ичинде 17 лицензияланган кайра иштетүүчү ишкана бар.

«Эко Оператор» мамлекеттик ишканасынын ишмердүүлүгү Кыргыз Республикасында калдыктарды башкаруунун заманбап системасын өнүктүрүүгө, экологиялык коопсуздукту жогорулатууга жана калдыктарды кайра иштетүү боюнча долбоорлорду колдоого багытталган.