Жашыл келечек: өлкөнүн токой фонду 250 жаңы дарак менен толукталды

Кыргыз Республикасынын Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын Ысык-Көл регионалдык башкармалыгынын кызматкерлери 2026-жылдын 25-апрелинде өткөн масштабдуу экологиялык акцияга катышып, «Жашыл Мурас» улуттук кампаниясын ишке ашырууга салмактуу салым кошушту.

Иш-чара «Ала-Тоо Резорт» борборунун аймагында жана токой чарбасынын жерлеринде өтүп, жаратылыш балансын калыбына келтирүүдөгү маанилүү кадам болуп калды. Акциянын алкагында Министрликтин атынан 250 түп көчөт отургузулду. Алардын ичинде өзгөчө баалуу болгон Тянь-Шань жана Канада карагайлары, ошондой эле ак кайың менен клен (ак чечек) бар.

Өткөрүлгөн иштер уникалдуу экосистеманы сактоого жана токой фондун көбөйтүүгө түздөн-түз багытталган. Бул өлкөнү жашылдандыруу жана келечек муундар үчүн жагымдуу чөйрө түзүү боюнча мамлекеттик программанын алкагындагы негизги артыкчылыктуу багыт болуп саналат.